|
|
|
Autor |
Nachricht |
Ric Eselsohr
Alter: 80 Beiträge: 216 Wohnort: Hianzei
|
17.01.2012 23:51 augustin von Ric
|
|
|
a jeeda kennt des liad vom liabm augustin
des woar amoe a weana oarginaal
und meisd in öö daonn hoda gsungan oes is hiin
und teifi tod und pest woan eam egaal
waon ii genauso waa ii gabad vüü dafia
nua bin ii hoed aa wengl z bleed dazua
des blöffn foed ma schwaa do hüüfd aa ka pania
und leagööd zoed howii in lebm schon gnua
des lebm is kaa lebm waonma ealich iis
mid ana laarn toschn aone gööd
bisd nega bisd danebm midn bleedn gfriis
waonsd med an riisn wachlsd bisd a hööd
es is a beag und toebaon und kaa ringlschbüü
des lebm des ma da gebm hod aone froogn
ii meak in jedn foe am bestn in mein schwüü
es iis a schwaare buad kaam zum datroogn
des lebm des is fian menschn nuar a niidaloog
woarum weu ea alaan des sööwa gneissd
wea's ned vaschdeed is wiara viich in sein vaschlog
des gfuadat wiad und sunst auf olles scheissd
ii bii a wengl zwiida weu ma vüü ned gfoed
wos mia des zaache lebm präsentiad
solid wiad ma und biida und schee laongsaom oed
und meakt am end das ma de zeid valiad
wos kaon ii denn dafua das mi des neamma freid
auf woos soe ii aa nua aan kreiza geebm
losds mi in rua es is do wuaschd ob muagn ob heid
ii mecht sei letztes stünderl ned ealeebm
drum losds mi singan wia da liawe augustin
reads ma ned noch ii bii jo no ned gschduabm
in d' uarn klingan wiad des liadl oes is hiin
aom end kummt do a jeda in de gruabm
|
|
Nach oben |
|
|
|
|
Seite 1 von 1 |
|
Du kannst keine Beiträge in dieses Forum schreiben. Du kannst auf Beiträge in diesem Forum nicht antworten. Du kannst Deine Beiträge in diesem Forum nicht bearbeiten. Du kannst Deine Beiträge in diesem Forum nicht löschen. Du kannst an Umfragen in diesem Forum nicht teilnehmen. In diesem Forum darfst Du Ereignisse posten Du kannst Dateien in diesem Forum nicht posten Du kannst Dateien in diesem Forum nicht herunterladen
|
Buch | Empfehlung | Empfehlung | Empfehlung | Empfehlung | Empfehlung | Empfehlung | Empfehlung | Empfehlung | Empfehlung |
|
|
|
|
|
|
|
|
|
|
|
|