|
|
Autor |
Nachricht |
Balu Gänsefüßchen
B Alter: 72 Beiträge: 21 Wohnort: Pfalz
|
B 22.09.2008 20:33 Herz As von Balu
|
|
|
Herz As
Wääschd, mit soner moderne Digitalkamera, do macht mer en Haufe Bilder unn die kummen uff die Feschdplatt unn alsemol werd die Platt donn gebutzt unn was mer nimmi brauchd, werd gelöschd.
Mit denne alde Fotos iss des schunn annerschd. Ich hann die ganze Bilder in me große Karton gesammeld unn hann mer jed Johr äämol geschwore, se zu sortiere unn ins Album zu klebe.
Geschdern hatt ich widder son Ahnfall vunn Ordnungswahn, hatt de Karton schunn uff unn die eerschde Bilder rausgeholt.
Unn die ganz Hand voll Fotos warn all vum Reni. Es Reni uff de Kirmes im Rieserad, es Reni beim Reite uff ihrm Hafflinger, es Reni im Superminirock vor moim eerschde 2CV.
Es warn viel Bilder, wo ich vum Reni, eigentlich hott se Renate geheeße, gemachd hann.
Es war aber aach werklich e bildhübsches Märe, unn blitzgescheit. Arg verliebt war ich sellemols. Nachts net geschlofe unn am Daach nur geträämt. Kää Hunger, kää Dorschd unn immer die Bilder im Kopp, wie es soi kännt, wonn. Was hann ich alles ahngestellt, dess des Reni in mir denne Prinz uffem weisse Gaul entdeckt, uff denne es schunn long geward hott.
Abber geholfe hott des all nix. Mir zwee, es Reni unn ich, warn fer alle Zeid wie Bruder und Schweschter zunonner unn irchendwann iss ach der Minirock kää Gefahr mehr fer mich gewese. Am End hott se alsemol Mitte in de Nacht bei mer geklingelt, weil se Liebekummer hatt unn ich de Äänzich war, bei dem se des loswerre konnt. Es Reni hott donn, wann de Rotwoi unn die Geschichd unn die Träne all warn, in moim Bett geschlofe, unn ich in de Kich uff de Eckbank mit viel Kreizweh unn demme Gefiehl, de letschde edle Ritter uff dere Welt zu soi.
Zwölf Johr später hänn mir uns noch ämol gesieh, die Renate unn ich. In ner onnern Stadt sinn mer uns ibber de Weg geloffe unn hänn zusamme nur Zeit fer en Kaffee gehatt. Sie war seit drei Johr verheirat mit me Mann mit dem se sich nix mehr zu saache hatt unn moi Fraa war grad zum eerschde Mol schwanger.
Des Bild, wie mer in demme Bistro gehockt hänn unn uns feschd an de Händ gehalde, unn nix geschwätzt, des Bild machd mer heit noch arg weh.
Denne Karton mit Bilder, do werd nix sortiert unn oigeklebt. Weil - der Stapel Bilder iss grad wie so e Kardespiel. Wann ich alsemol moin Blues hann, dann misch ich die Karde unn immer duh ich als Eerschdes die Fotos vum Reni uffdecke.
|
|
Nach oben |
|
|
Münsch Eselsohr
Beiträge: 415 Wohnort: Berlin
|
30.09.2008 22:29
von Münsch
|
|
|
Hab' nach deinem Gedicht "Stromabwärts" jetzt gerade diese Geschichte entdeckt...
Ist zwar für mich Berlinerin nicht ganz leicht zu lesen, hat sich aber gelohnt!
Bin ein Fan!
Noch ein Gruß vom Münsch
_________________ Nobody expects the Spanish Inquisition!
████ This is hoizbrettl. Copy hoizbrettl into your signature and use it to hau special deppade leit! |
|
Nach oben |
|
|
Maria Evolutionsbremse
Alter: 52 Beiträge: 5998
|
01.10.2008 22:51
von Maria
|
|
|
Das bringt meine Theorie, dass eine reine Freundschaft zwischen Mann und Frau nicht möglich ist, doch kurz ins Wanken. Aber was wär gewesen wenn... und wenn... und wenn dann... hm. Ne. Sie steht, die Theorie.
Hab zwei Durchgänge gebraucht, ich mag das "als/alsemol", das ihr Pfälzer überall reinquetscht. Erinnert mich da an nen Kerl...
Das ist so die Art von unaufdringlicher Erzählung, aus dem Leben gegriffen, die ich immer und jederzeit hören und lesen mag.
Noch ein Fan.
_________________ Give me sweet lies, and keep your bitter truths.
Tyrion Lannister |
|
Nach oben |
|
|
|
|
Seite 1 von 1 |
|
Du kannst keine Beiträge in dieses Forum schreiben. Du kannst auf Beiträge in diesem Forum nicht antworten. Du kannst Deine Beiträge in diesem Forum nicht bearbeiten. Du kannst Deine Beiträge in diesem Forum nicht löschen. Du kannst an Umfragen in diesem Forum nicht teilnehmen. In diesem Forum darfst Du Ereignisse posten Du kannst Dateien in diesem Forum nicht posten Du kannst Dateien in diesem Forum nicht herunterladen
|
Empfehlung | Buch | Empfehlung | Empfehlung | Empfehlung | Empfehlung | Empfehlung | Empfehlung | Empfehlung | Empfehlung |
|
|
|
|
|
|
|
|
|
|
|